Home Beauty tips in Urdu

Skin Soft Tips In Urdu

(skin ko soft kar ne ka tarika)

skin soft karne ke liye - skin ko soft kaise banaye - skin ko soft banane ke upay

Here we discuss about skin, mean which things can damag your skin and how can you treat your skin, because as we know that changing of atmopher is one of the most effective thing for our skin, specially in summer and winter and also in atumn. Here you can read that how can you care your skin at home because due to the busy rotin many female cann’t go out side. In this page you will find and read soft skin tips at home in urdu.

 
Soft Skin Tips At Home In Urdu

Naram or mulaim jild ka hasol:

Hamari jild boht se aham kaam sar anjam deti hai. In me se kuch ye hain. Jisam ko bacteria ke hamlon se mehfoz rakhti hai jisam ke andar mojud boht si hasas nasijon ko zakhmi hone se mehfoz rakhti hai suraj ki muzir shuaon se bachati hai or jisam se name ko kharij nahi hone deti. Is ke elawa jild hamare jisam ke aesabi nizam ko apne andar mehfoz rakhti hai. Agar hum ek muraba inch jild ka khurdbin ke zarye mushahida Karen to hamen malom ho ga k is ke andar 72 fit tawil aesab mojud hain. Is ke elawa is ke andar secron ki tadad me dard qabol karne wale ajza hararat, thandi or dabao wasol karne wale ajza or 15 fit tawil khon ki ragen hain. Jab jisam ko hararat kharij karna hoti hai to ye ragen phel jati hain or jab hararat mehfoz karna hoti hai to ye sukar jati hain.

Jild ki tehen:

Hamari jild 3 tehon se mil kar bani hai balai jild, darmiyani jild or tehti jild, tehti ya nichli jildi teh ke andar ye ajza shamil hote hain chiknai ki lawen, khon ki ragen or aesab. Ye tehti jild, darmitani jild ko nasijon se jorti hai jo pathon or hadiyon ko apni jaga pr mazboti se qaim rakhti hain. Is ke elawa ye puri jild ke lye ek hamwar or lachakdar bunyad faraham karti hai. Jab insan burha hone lagta hai to chikni nasijen jisam me jazab hone lagti hain jis ke bais jild ki beroni satah dhili parh jati hai or won a hamwar shakal ikhteyar kar leti hai jo jhuriyon ke tor pr nazar ane lagti hai. Darmiyani teh tehti jild ke oper hise pr waqa hai or is ko “asal jild” kaha jata hai. Is ke andar khon ki ragen aesab aesab ke lye pegamat wasol karne wale ajza balon ke gadod or pasina or chiknai ke gadud hote hain.

Pepilae ki tehen:

Darmiyani teh ke balai hisa me boht chote chote makhroti shakal ke ajza pae jate hain jinehn angrezi me “papillae” kehte hain. Hamare pure badan pr phele hue in makhroti ajza ki tadad 150 million se bhi zyada hai. Ungliyon ke poron pr in ki tadad nasbatan zyada hoti hai jis se wo zyada hasas ban jate hain.

Ye “papillae” jild ki opera satah ke sath bare hamwar tariqe se chaspa rehti hain. Jild ki balai satah machli ki chilkon ki manind chote chote ajza pr mushtamil hai jo dar asal jild ke murda khalye hain. Ye khalye rafta rafta such kar jharte rehte hain or in ki jaga nichli satah pr banne wale naye khalye oper ate rehte hain.

Nichli satah pr jahan naye khalye alam wajud me arahe hain hamari jild “melanin” nami ek she se rang hasil karti hai. Melanin suraj ki khatarnak tabkar shuaon se hamari nasijon ko nuqsan pohnchane se bachati hai. Jildi rang ek or zard rang ki she ke elawa markazi hise me pai jane wali khon kirangon se bhi mutasir hota hai.

Darmiyani satah me 2 tarha ke gadud pae jate hain. Pasine ke gadud or “cibeshi” gadud jo chiknai kharij karte hain. Ye chiknai balon or jild ko khushk or karak hone se mehfoz rakhti hai. Sehat or cosmetic ke nuqta nazar se jild ko saf suthra rakhna zarori hai. Cleansing ke istamal se mundarja zel fawaid hasil hote hain jild se kharij hone wali izafi chiknai dor hoti hai. Pasina, murda khalye, gardo gubar, cosmetics or baz bacteria bhi khatam ho jate hain. Is maqsad ke lye pani or sabun ka istamal behtarin hai.

Jild ki khushki ki wajuhat boht si hain. Maslan jugrafiyai mehal waqo sal ke ayam, hawa me ratubat ka tanasub, rehan sehan ka tariqa kar or sabun or detergent ka zyada istamal. Baz khawatin baqaidgi se cleansing cream ya lotion ka istamal kar ke zyada farhat mehsos karti hain jabke baz dosri khawatin rozana sabun or pani se mun dho kar moisturizer ka istamal karti hain. Khayal kya jata hai k chikni jild ka sabab morosi, jazbat, aab or hawa or sar garmiyon ki noiyat hain. Or ise dor karne ke lye din me kai martaba sabun or detergent se mun dhona parta hai burhe or jawan chehron ke darmiyan nazar ane wale farq ki 4 wajuhat hain.

  • Chehre ke dhanche ka frame work patla par jata hai or nasbatan kam jaga gherta hai.
  • Chehre or gardan ke tasirat ki qudrati lakiren zyada ghehri ho kar wazah nazar ane lagti hain.
  • Jild dhili par jati hai or jhuriyon ki shakal me latakne lagti hai.
  • Jild ka rang tabdil ho jata hai.

Television or akhbarat ke ishteharat chahe jitna bhi dawa q na Karen na to koi masnoaat hai or na koi tariqa jin ki madad se in 4 tadabirat ko mukamal tor pr ronuma hone se roka ja sake. Albata baz ahtiyati tadabir ikhteyar kar ke tabdili ke is amal ki raftar ko sust banaya ja sakta hai. Burhape ko tari karne me dhop ek bunyadi kirdar ada karti hai is se aap ko jahan tak mumkin ho dhop se bachna chahye. Khushk jild pr chehre ki lakiren zyada wazah nazar ati hain is lye chehre ki in jaghon pr chiknai malte rehna chahye. Burhe hote hue chehre ke khado khal ko plastic surgery ki madad se dor kya ja sakta hai lekin surgery ke zarye behtarin jane wale chehre ki khobsorti ko bar qarar rakhne ke lye ye surgery bar bar karwana parti hai

Masamat ke bara ho jane ki waja dar asal ek khas qisim ke balon ka ugna hai. Ye bal boht barik hote hain or mushkil se nazar ate hain. Barhe hue masamat ko chupane ke lye khasosi cosmetic se kaam lya ja sakta hai lekin ye kehna mushkil hai k kis masnoaat ke istamal se ye masamat sukar sakte hain.