Home Beauty tips in Urdu

Nails tips in urdu

Nail Care Tips At Home In Urdu

(nails ki safai in urdu)

 

Here we discuss the beauity of nail. mean how can you make more beautiful your nails and also how can we care our nails. Firstly i would like to tell some thing is that contineusely uses of nail polish and remove that nail polish can damag your nails, due to contineusely removing the nail poslish you can loss the finising of the nails. here we describe some tips which help to make your nail more beutiful. In this page you will find and read nakhun ki hifazat in urdu.

Bar bar nail polish lagane or churane se nakhun khurdure ho jate hain is ki waja ye hai k nail polish churate waqt nakhunon ki chiknai bhi chali jati hai.

Nakhun na sirf shakhsiyat ke bare me boht kuch bata sakte hain balke in ki kefiyat baz bimariyon ki nishandahi bhi kar sakti hai.

Ab se hazaron baras qabal babae tib pepo cret ne alfaz kahe the. Jadid tibi science mehaz is bayan ki tosiq ki hai. Ungliyon ke poron pr mojuda ye khamida nakhun dil or jigar ki kharabiyon ki nishandahi karte hain agar ye nakhun boht zyada zakham kha jaen to chamche ki manind in me ghehrai ajae to is ka matlab ye hai k wo shakhs ek khas qisim ki khon ki kami ka shikar hai jo mutawast umar ke mardon or oraton me pai jati hai. Khon ki is kami ke sath vitamin B complex ki kami bhi waqa ho jati hai or baz dosri alamat bhi zahir hone lagti hain jese zaban ki sujan or kisi she ke nigalne me taklif hoti hai.

Ek makhsos halat me nakhuno ke opar ubhari hui ari lakiren namudar ho jati hain jo khasosi tawaja ki mutaqazi hain. Nakhun ki nashunuma me parne wali rukawat in lakiron ka sabab banti hain or ye us fard ki jismani kamzori ya sangin bimari ki nishan dahi karti hai. Chunke nakhuno ki mukamal nashunoma me 6 mah ka arsa lagta hai is lye in lakiron ki madad se bimari ki mudat ka andaza lagaya ja sakta hai. Is ke bar akas agar ye lakiren amodi simt me hon to wo fard aesabi kamzori ka shikar hai. Aesi lakiren amoman boht zyada kamzor or aesabi nizam rakhne wale afrad ke nakhuno me pai jati hain.

Ek mahir doctor aap ki ungliyon ka mushahida kar ke aap ki umar bhi bata sakta hai. Ek tehqiq ke mutabiq nakhuno ki lambai pr parne wali ubhari lakiren 40 baras ki umar me zahir hona shuru hoti hain. Umar me izafa ke sath ye zyada ghehri hoti jati hain or 50 baras ki umar me pohnchne ke bad ye shagaf boht wazah ho jate hain. Baz aqsam ki bimariyan or jazbati dhachke nakhuno ki lambai ke amod me lakiren paida karte hain ye kisi bhi umar me paida ho sakti hain. Baz jildi bimariyan bhi nakhuno ko mutasir karti hain. Misal ke tor pr jildi mahirin lal bada nami ek jildi bimari ke paida hone se barson pehle tashkhis kar lete hain is bimari me jild pr lal dhabe par jate hain. Nakhuno ke opar garhe par jana is marz ki amad ki alamat hai jab ye bimari shabab ko pohnchti hai to garhe parne ke elawa nakhun mote bhi ho jate hain.

Hathon pr paida hone wali eczema ki shadid bimari bhi nakhuno pr asar andaz hoti hai aese moqa pr nakhuno ki kefiyat wese hi ho jati hai jese surkh bada nami bimari me hoti hai. Ganj ki ek khas qisim bhi nakhuno pr garhe paida karne ka sabab hoti hai.

aurrten amoman nakhuno ke khatak jane ki shikayat karti hain nakhuno ke khurdure kinare amoman malbosat me atak jate hain nakhuno ki ye kefiyat amoman vitamin A or D ki kami ke bais paida hoti hai. Ye vitamin makhan, gajar, sabz tarkariyon or kad machli ke tel me pae jate hain.

Baz oqat ye alamat ek se 2 baras ke doran ja rahi rehti hain. Or phir khud bakhud gaib ho jati hain. Bar bar nail polish lagane or churane wali khawatin ke nakhun bhi khurdure ho jate hain is ki waja ye hai k nail polish churate waqt nakhuno ki chiknai bhi chali jati hai. Aesi sorat me ungliyon ke poron ko neem garam tel me bar bar dubone se khurdura pan dor ho jata hai. Machli ke tel or calcium ki baz masnoaat ke ishtaharon me dawa kya jata hai k in ke baqaida istamal se nakhuno ka khurdura pan dor ho jata hai lekin koi bat yaqin se nahi kahi ja sakti.

Agarcha nakhuno ka danton se kutarna koi bimari nahi lekin phir bhi ye masla sangin hai. Ye adat aesabi kamzori ke bais paida hoti hai or baz oqat afrad adhe nakhun kutar dalte hain aese logon ko mahir nafsiyat se rabta karna chahye.

Nakhun be rang or shafaf hote hain in ka gulabi rang sehat ki nishandahi hai khon ki kami ke marizon ke nakhun safed ho jate hain. Nakhun ki jaren chand ki shakal ka safed nishan hota hai. Is ke andar safed or gair shafaf khalye hote hain jin ke aar par khon ka rang nahi jhalakta. Baz oqat ye gair shafaf khalye nakhun ke dosre muqamat pr bhi paida ho jate hain jo safed dhabon ki shakal me nazar ate hain. In ki koi ahmiyat nahi is lye aap ko parishan hone ki koi zarorat nahi. Nakhun ki ost lambai 10 se 12 mm hoti hai. Ye lambai 180 din me mukamal hoti hai is lye nakhun ke rozana barhne ki raftar 0.07 mm hoti hai. 15 din me ye izafa ek mm hota hai is lye 2 hafton me kam se kam ek martaba nakhun tarashna chahye.

Nakhuno ki behtar dekh bhal ke chand asan asol ye hain. Nakhuno ke cuticles ko mulaim karne or nakhuno ko saf karne ke lye inhen nem garam pani me dubo dya karen lekin amoman aesa karne se nakhun ke opar ka chilka utarne lagta hai or wo phatne lagte hain. Gili halat me nakhuno ko na to raghren or na hi tarashen q k is tarha wo sukar jate hain. Cuticles pr koi bhi dhai she istamal mat karen. Majbori ki halat me inhen jild ke boht qarib se tarashna chahye or is maqsad ke lye nakhun tarashne wali kham dar qainchi istamal karen.

Nakhuno ko mazbot banane ke lye rozana ek once jeletine pighla kar dudh me mila kar piya karen. Agar nakhun ek martaba kamzor ho jaen to phir inhen mazbot banne me kafi mudat darkar hoti hai is ke lye aap ko sabar se kaam lena ho ga.

Garam mosam me nakhun zyada tezi se barhte hain isi tarha niche ki ungliyon ke nakhun bhi nasbatan zyada tezi se barhte hain. Typing, piano bajana or hathon ki warzish, in chezon se nakhuno ke andar doran khon tez hota hai is lye aesi warzishen nakhuno ki afzaish ke lye mufid hoti hai. Agar aap dayan hath zyada istamal karti hain to baen hath ke nakhun zyada tezi se barhen ge.

Agar aap apni sehat ka khayal rakhen or nakhuno ki munasib dekh bhal karen to aap ke nakhun mun se bolne lagen ge.
Shanimuzik