Home Beauty tips in Urdu

Lemon Tips In Urdu

Lemon ke fayde in hindi

lemon tips in hindi

Food is one of the basic thing for servive in the world and as we know that there are many different natural thing present which we can eat, and all the natural things are most benificial for us. and also take differen vitamins which is good for our health and skin, here we discuss about the benifit of lemon mean how lemon increase our beauity in urdu and hindi. In this page you will find and read lemon ke fayde for skin in hindi.

  • Lemon gizai ahmiyat ke elawa apni jamaliyati ahmiyat bhi rakhta hai is me hayatin alif, hayatin be or hayatin jim (vitamin A,B,C) digar phalon se zyada miqdar me pai jati hain. Is me hayatin jim ki miqdar digar hayatin se zyada hoti hai. Jadid tehqiqi ro se lemon me hayatin “wao” ki bhi kami nahi hai. Is ke elawa lemon ke ras me calcium ke markabat bhi pae jate hain jo na sirf insani nashonuma balke husan me izafa ke lye bhi nehayat zarori hain. Lemon ki afzaish husan ke lye kis tarha istamal kya ja sakta hai ye hum aap ko batate hain.

    • Jin khawatin ke chehre ki jild be had chikni or khule masam wali ho un ko chahye k chehra dhone se pehle lemon ke cleansing lotion se jild saf karen. Phir chehra dhone ke bad nuetrogena ka face wash istamal karen. Is se chehre ki chiknahat dor ho gi or jild ke khule hue masam yaksar band ho jaen ge.
    • Jin khawatin ke chehre ki rangat pehle gori ho or phir sanwali hone lage un ko chahye k subha ke waqt adha lemon nem garam pani ke ek glass me nichor kar pi lya karen or baqi adha lemon balai me nichor kar rat ko sone se pehle chehre pr malen (jab balai ki batyan si banne lagen to chehre pr malen).
    • Jo khawatin ainak lagati hain or ainak ki waja se ankhon ke ird gird halqe par jate hain in ko chahye k lemon ke chike barik pis kar neuba cream ke sath mila len or ankhon ke halqon ke gird lagaen. Halqe dor ho jaen ge.
    • Lemon ka mask chehre ke kil mahason ko dor karta hai. Chehre ko detol soap se dho kar lemon ke chilke nehayat barik pis len or glasrin me mila kar chehre pr khali hath ya sphonj ke tukre ke sath mask lagaen. Pure chehre pr mask lagane ke bad ise kam se kam 15 mint chehre pr laga rehne den.
    • Bache ki wiladat ke bad aksar khawatin ke chehre pr dhabe par jate hain. Ye dag jisam me iron or hayatin jim ki kami se paida hote hain. Un khawatin ko chahye k nehar mun shehad or lemon ka ras pani me mila kar piyen. Chand roz ke istamal se dag dhabe dor ho jaen ge.
    • Baz khawatin ke chehre ki jild kuch zyada hi chikni hoti hai khas tor pr subha ke waqt mathe or nak pr itni chiknai hoti hai jese khob tel mala hua ho. Wo make up kharab kar deti hai. Aesi khawatin ko chahye k wo hafte me 3 bar khire ke ras me ek chamach lemon ka ras mila kar chehre pr is amez ka mask lagaen or mun kisi strengent se dho len. Is ke bad face powder lagaen. Nez aesi giza khaen jin me chiknai kam ho. Din me ek bar lemon ke cleanser se cleansing karna bhi mufid hai ek lemon ka ras rozana piyen.
    • Chehre ki chaiyan dor karne ke lye bhi lemon mujrib hai mundarja zel nuskha jhaiyan dor karne ke lye istamal karen.

    Lemon adha, haldi adha chamach or besan 2 chamche mila kar past bana len or is ka mask chehre pr lagaen. 2 3 bar mask lagane se chehre ki jhaiyan dor ho jati hain.

    • Baz khawatin ke paon bare bhade or bad numa hote hain in ke lye darj zel formula mufid hai.

    Chote tin me garam pani or is me khane ka namak dalen or lemon nichor kar dalen. 15 mint tak paon bhige rehne den. Ab jhawen se paon raghren. Dhone ke bad paon khushk kar ke lemon lagaen.

    • Baz khawatin ke nakhun totte rehte hain in ko chahye k wo lemon ka sharbat piyen. Jisam me calcium ki kami ki waja se bhi nakhun totte hain lemon ke arq me phitkari mila kar mehlol ko roi ke sath nakhun pr lagaen. 15 mint bad hath dho lar lemon cream lagaen.
    • Mask hamesha gusul karne se pehle lagaen jab aap mask lagaen to gusul ke bad aap ka chehra taro taza ho. Mask lagane se taqriban 10 mint pehle chehre pr dudh lagaen. 10 mint ke bad roi ke phahe ya sphong ko nem garam pani me bhigo kar is se chehre ko saf karen. Ab tolye ya tissue paper se chehra khushk kar len. Ab aine ke samne apne chehre ke tamam hison pr lagaen. Mask ankhon or honton pr bhi lagaen.
    • Baz khawatin ke hont bare mote hote hain. In ko patla karne ke lye mazo phal ka safof lep karna chahye. Lep banane ki tarkib ye hai k mazo phal ko kot pis kar nehayat barik kar len or is me lemon ka ras dal kar lep bana len jo honton pr lagane se thehar sake.
    • Jhuriyan dor karne ka mujrib nuskha ye hai k 10 tola shehad me ek lemon ka ras malen or chehre pr lep karne ke 15 mint bad dho dalen 15, 20 din lagane se chehre ki jhuriyan dor ho jati hain.
    • Chehre ki jild zyada chikni hone ka bais bad parhezi or bad hazmi hai. Jin khawatin ke chehre pr hamesha chiknahat mojud rehti ho un ko chahye k khorak sada or zod hazam khaen. Ghee or ande jesi chezon ka istamal boht kam kar den. Santare ka juice or lemon ka istamal khane ke sath zaror karen.
    Chehre ke sath gardan ki khobsorti bhi husan or jamal ka ek hisa hai gardan munasib lambi or bhari hui achi hoti hai. Ek hisa glasrin me utna hi arqe gulab or 3 hisa lemon ka ras mila len or roi ke phahe se gardan pr lagaen. Ahista ahista masaj karen. Mehlol ko khob achi tarha khal me jazb kar den. Ye amal rat ko sote waqt karna chahye. Rat bhar gardan ko isi halat me rehne den. Subha dho dalen. 2 3 din rat ko sote waqt ye amal karne se gardan ki jild ki khobsorti me numaya izafa ho jae ga.
Shanimuzik