Home Beauty tips in Urdu

Hair Dye Tips In Hindi

hair color karne ka tarika in urdu

(homemade hair dye recipes in urdu)

balo ko colour karna - hair dye method in urdu - balo ko colour karne ke gharelu nuskhe - hair dye karne ka tarika in urdu - hair dye tips at home in urdu - hair dying tips and tricks - balon mein mehndi lagane ka tarika - hair dye tips for dark hair - hair color karne ka tarika in hindi

In this page you will find and read homemade hair colour in urdu.

Balon ke lye ek aese rang ka intekhab karen jo aap ki shakhsiyat ke sath puri tarha hum ahang ho.

Ab se chand baras peshtar tak khawatin apne balon pr koi tawaja markoz nahi karti thin wo mehaz in me tel chirak kar kanghi kar ke choti gondh lya karti thin. Agar in ke bal kam hote , latke hue, khurdure ya safed ho jate to wo inhen taqdir ka likha samjh kar khamoshi se sir taslim kham kar letin lekin ab halat badal chuke hain jo orat ke husan ki behtari ki taraf ek qadam hai.

Aap ke husan ko do bala karne ke lye umdah hair style se behtar or koi she nahi sirf balon ki araish me tabdili lane se aap ki shakhsiyat mukamal tor pr tabdil ho jati hai. Sir ki yahi araish orat ke husan ko paidar banati hai. Shairon ne suyah reshmi zulfon ki tarif me kitaben bhar di hain or wo inhen chand jese chehra ke atraf chae hue siyah badalon se tashbih dete hain is me koi shak nahi k orat ke lye is ke bal bunyadi ahmiyat ke hamil hain.

Agar us ke bal girne lagen to is ke dil me dard ki tisen uthne lagti hain. Dukano ke shelf shampoos, lotions, conditioners rogniyat or mukhtalif aqsam ki tibi masnoaat ke bojh tale karah rahe hain ye masnoaat balon ko yaksar tabdil kar ke inhen chamakdar or sehat mand banana ki dawedar hain lekin gujishta chand barson me balon ke rang ne jo tabdiliyan paida ki hain wo kisi bhi masnoaat ke bas ki bat nahi.

Kuch arsa qabal tak balon ke rangne ka amal sirf inhen siyah karne tak mehdud tha ta k in ki bad numa safedi chup jae ab balon ko dhank ke mukhtalif rang dye ja sakte hain in me lehren paida ki ja sakti hain or inhen laton ke mukhtalif design me tabdili kya ja sakta hai.

Balon ko surkh, ghehra brown or nila ya odar rangna bhi aaj kal ke fashion ki maqbol riwayat hai or maza ki bat ye hai k ye fashion sirf khawatin tak mehdud nahi balke mard bhi ab bare fakhar se apne balon ko rangne lage hain.

Qarain! To kya aap bhi is fashion ko apna kar khobsorat khawatin ki fehrist me apne ko shamil karne ki khawahish mand hain? Aye is muhim jui me hamara sath den. Wese bhi agar rangne ke bad aap ko apne balon ka rang or shakal or sorat pasand nahi aaen to chand martaba shampoo karne ke bad aap ke bal apni asli shakal me wapas ajaen ge or is ke bad phir aap ek dosra tajurba kar saken gi.

Apne balon ko rangne ke lye is tariqe ke bare me thori boht waqfiyat ka hasol zarori hai agarcha ishtehari companies apni masnoaat ke bari me aap ko boht tafsil se banati rehti hain lekin phir bhi galt fesla karne ki galti mat karen agar aap bunyadi haqaiq ke bare me waqfiyat rakhti hain to phir aap sahih or itninan bakhsh fesla kar saken gi.

Sahih fesla aap ke balon ka qudrati rang or banawat, complexsion, ankhon or bhawon ka rang yahan tak k aap ki shakhsiyat bhi rang ke intekhab ke lye boht ahmiyat rakhti hai.

Agar aap ne boht zyada tez or mutazad rang ka intekhab kar lya jo ap ki jild ke tone oor ankhon ke rang se bilkul mukhtalif hai to aap ki sorat shakal masnoi or meta look nazar ane lage gi is ke elawa aap apni umar se zyada burhi dikhai dene lagen gi or agar aap ne boht halka rang muntakhab kya or aap ke bal qudrati tor pr halke or barik hain to aap ke bal kam ghane or chand ya khali si lagne lage gi.

Intekhab ka raz ye hai k balon ke lye aesa rang pasand Karen jo asal rang se 2 shade halka ya 2 shade ghehra ho is tarha balon ki barhne wali jaren zyada numaya nahi hon gi. Naya rang aap ki shakhsiyat ke sath puri tarha hum ahang hona chahye.

Hamare mulk ki khawatin ke bal amoman siyah, mote, sehat mand or chamak dar hote hain is ke sath hi jild ki rangat gandumi hoti hai is lye surkhi mail brown or halka brown rang zyada munasib rahe ga is pr dhariyan dal den to or bhi khobsorat lagen ge.

Kya aap ke bal bhure hain? Aesi sorat me wo chamakdar bhi hon ge or aap ka bhi rang gora ho ga aese balon ko zyada ghehra nahi lagna chahye balke aesa shade muntakhab Karen jo asli rang se thora sa tone halka ho balon ko high light karne ke lye inhen halka sunhera rang dena chahye.

Aap ki jild ka rang bhi balon ke rang ke sahih intekhab me ahmiyat rakhta hai. Cool or neutral hair colour ke lye red skin tones ka istamal durst rahe ga jabke o level skin warm shades me zyada khobsorat nazar aae gi. Golden complexsion bhi warm colours ke sath khob match karta hai lekin agar aap ki jild pr gulabi or zard rang zyada khilte hain to aesi sorat me aap balon pr warm or cool rang dono hi istamal kar sakti hain.

Pehli martaba bal rangne wali khawatin ke lye ye sab baten uljhan paida karne ka sabab ban sakti hain is lye hamara mashwara ye hai k balon ko pehli martaba rangne ke lye kisi mahir ki khidmat hasil Karen. Rangon ke intekhab me beautician se mashwara Karen q k is ke tajurbe se aap afada hasil kar sakti hain.

Ye bat yad rakhen k hamesha umdah masnoaat ke rang bari dukan se khariden saste rang kharidne ki koshish mat Karen jo aap ke balon or jild ko nuqsan pohncha den.

Masnoaat pr likhi hui hidayat ko gor se parhen or in pr sakhti se amal karen rang kharidne se qabal apni jild ko test kar len k kahin aap is rang se allergic to nahi hain. Thore se rang ko developer ke sath mix Karen or is mehlol ko jild ke kisi hasas hise pr lagaen jese kan ki pusht ya kehni ke andaroni hise pr. Hidayat me likhe hue waqt tak lagan eke bad is ko dho dalen agar aap ko allergy ki alamat nazar aaen jese jild pr surkhi ka ana, khujli, sujan ya dhabe par jana to ye rang mat istamal Karen or koi dosra brand muntakhab karen.

Agar aap koi elaj kar rahi hon to phir rangon ka istamal mat karen adoya ke andar mojud kimiyavi anasir aap ke balon ke rang pr asar andaz ho sakte hain ya koi rade amal zahir kar sakte hain. Agar aap ne balon ko dye kya hua hai, mehandi lagai hui hai ya blech kya hua hai to rangon ke istamal se qabal itna intezar karen k wo sare rang mit jaen isi tarha agar balon ko numqsan pohnch chuka hai in ke kinare phate hue hain ya khopri ki jild pr dane ya zakham wagera hain to rangon ke istamal se qabal in ko thek ho jane den.

Balon ko rangne ke bad inhen conditioner wale kisi achi shampoo se dho dalen balon ke rangne ke bad in ki hifazat karna bhi zarori hai ta k wo sehat mand or chamakdar rahen rangne ke bad balon or khopri ki jild ka “ph” tawazan bigar jata hai bal phol jate hain or in ki jaren khul jati hain jis ke bais in ki name sukhne lagti hai. Rangne ke doran oxidation kea mal ke bais balon ki darmiyani bandish bhi bikhar jati hai. Balon ko rangne or dhone ke bad bhi in pr thori si oxidant baqi reh jati hai jis ke bais balon ki rangat jild phiki par jati hai.

Is lye hamesha umdah shampoo istamal karne ki zarorat hai jis ka ph boht kam ho (4.5 – 5.5) is se oxidation ka nuqsan kam ho jata hai or cuticles ki tehen band ho jati hain balon ki chamak ko dair pa banana ke lye special shampoo istamal karen jo aap ke balon ke rang or banawat se hum ahang ho. Rangin bal masam dar ho jate hain is lye inhen shampoo karte waqt boht zyada ahtiyat ki zarorat hai in ki chamak bar qarar rakhne ke lye rang tez karne wala shampoo istamal karen is tarha name ki kami dor karne ke lye umdah conditioner bhi istamal karen agar is me sun screen agent ho to or bhi behtar hai.

Balon ka mayari rang taqriban 6 hafton tak qaim rehta hai tahum tez hawaen chlorine wala pani, khari pani, pasina or ultra vilet suraj ki kirne balon ke rang ko phika kar dete hain isi lye bahar dhop me jate waqt sir pr hat ya scorf istamal karen.

Rangon ko hamwar tariqe se lagaen

Rang ko brush ki madad se rang ko jar se le kar bal ke sire tak yaksa tor pr lagaen. Kisi beautician se rang lagane ka sahih tariqa sikhen agar terna ho to sir pr topi pehan len or nahane ke foran bad balon ko achi tarha dho lent a k in pr jam jane wala namak or chlorine dhul kar saf ho jae or aap ke balon ke rang ko kharab na kare.

Balon ke barhne wale hise pr touching karte waqt rang ko sirf isi hisa pr lagaen pehle se rang kye hue balon pr dobara rang lagane se wo yaksa nazar aae ga balon ko rangne ke bad na to in me khongar dalen or na hi sidha karne ki koshish karen q k is tarha rang kharab ho jae ga rangne se qabal balon ko sidha kar len ghunghrale banal en.

Purane fashions se bahar nikalen balon ke rang tabdil karen or aap pr parne wali dunya ki nazaron ko bhi tabdil kar den.
Shanimuzik