Home Beauty tips in Urdu

Foundation Tips In Hindi

Foundation lagane ka tarika in urdu

foundation tips for dry skin - foundation tips for oily skin - foundation tips and tricks - applying foundation for beginners

In this apge you will find and read foundation lagane ka sahi tarika.

 

Under cover or shading ki aham or zarori baten.

3 khawatin apni umar ke 3 mukhtalif dor se guzar rahi hain in me se ek ki umar 20 sal hai dosri ki 30 sal or tisri ki 40 sal hai agar hoshiyari se make up kye jaen to aap ka make up aap ke lye herat angez tabdiliyan la sakta hai aesa kis tarha ho ga ye hum aap ko batate hain aap bas tawaja se is mazmon ko parhti jaen.

3 khawatin ne 3 alag alag make up ke andaz apnae har andaz me inhon ne jo masnoaat istamal kye maslan powder, lip stick wagera inhen apni jild ki sakht or rangat ki munasibat se kharida make up ka saman kabhi bhi kisi or se na mangwaen q k ye zati pasand ka masla hota hai is lye ise khud hi khariden to behtar hai. Lijye is silsile ki shuruwat karte hain.

Under cover work :

Concelar ka istamal aap ki ankhon ke gird halqon ko khufya rakhne me madad gar sabit hota hai is ke elawa jild pr agar koi dag dhaba ho to ise chupane ke kaam bhi ata hai lekin is ke istamal ke chand bunyadi garhen mula hiza farmaen.

Ise moisturizer lagane ke bad or foundation ke lagane se pehle istamal karen.

Zyada halke andaz me na lagaen aesa shade muntakhab karen jo aap ki jild ke shade se 50% kam halki rangat ka ho boht halka concelar (shade) foundation ke bawajud nazar a sakta hai.

Jahan rangat ghehri ho barahe rast wahan lagane ki bajae aas pas lagaen or bad me ise achi tarha mutasira hise pr laga len ankhon ke kinare pr dot ki shakal me lagaen phir ise halke halke bland kar len. Boht zyada bland kar ke mutasira hise ko dark na karen.

Agar ankhon ke gird siyah halqe na hon to concelar ka istamal na karen khas kar ankhon ke niche theliyan si bani hui hon to bilkul na istamal karen warna ye theliyan or numaya ho jaen gi albata is ki jaga rinkle smother ka istamal munasib rahe ga is se theliyon ke ubhar me kami aae gi agar aap sote waqt apne sir ko mamol se zara oncha rakhen to ye theliyan jisamat me kam ho jaen gi moqa nikal kar 10 mint tak ankhon pr khira daire ki shakal me kat kar rakhen. Jahan dag ho wahan concelar dot ki shakal me laga kar mix karen. Ek moti teh charhane ke bajae concelar ki 2 halki teh behtar rahe gi.

Foundation :

Jild ko be dag pesh karna hi foundation ka kaam hai agar ahtiyat se or jild ki munasibat se ise kharida jae or istamal kya jae to jild ko hamwar karne ke sath sath is ki banawat ko tone bhi karta hai. Ye ek aesa plate farm muhaiya karta hai jis pr ankhon or galon ka make up behtar andaz me kya ja sakta hai mazi ke bar aks aaj ke foundation pack jild ko qudrati nikhar dete hain or in me dhop se bachao ke lye ajza bhi shamil hote hain jo sun screen ka kaam karte hain digar aese ajza bhi hote hain jo jild ko beroni asarat se bachate hain.

Aap chahen to foundation ka rozana istamal karne se gurez kar sakti hain khas kar aesi sorat me jabke aap ki jild shagufta or saf ho lekin jab bhi is ka istamal ho dhang se hona chahye q k ye aap ki khobsorti me izafe ka ek aham jazo hai foundation ki 2 qismen hain ek liquid hai jabke dosra cream ki shakal me dastiyab hai ye dono zel ke 3 farmolon se milte hain.

  • Oil based

Jese k nam se hi zahir hai k rang ko oil me mila kar is ki tashkil ki gai is foundation ko istamal karte waqt boht zyada ahtiyat karne ki zarorat hoti hai.

  • Water based

Is me mamoli miqdar oil ki hoti hai magar zyada pani hota hai ye foundation istamal me asan hota hai or jild ko misturize bhi karta hai ye khawatin me boht maqbol hai or normal or khushk jild ke lye behtarin hai.

  • Oil free

Is me oil ki shakal me koi bhi qisim mojud nahi hai hata k oil ki is qisim ko bhi shamil kya gya hai jo jild me asani se jazb hota hai aesi jildon ke lye behtarin hai jo chikni hoti hai or jo asani se masail ka shikar ho jati hain. Ab sawal paida hota hai k kon sa shade muntakhab kya jae? Durst shade wahi hota hai jo aap ki jild ki rangat me zam ho jae aesa is tarha kya ja sakta hai k aesa shade kharida jae jo aap ki jild ki rangat se qarib tar ho shade ke intekhab me jald bazi se gurez karen ya rakhen k pure make up ka daro madar foundation pr hota hai.

  • Foundation ka intekhab din ke waqt or qudrati roshni me karen is se qarib tar shade hasil karne me asani rehti hai.
  • Chunke foundation aap ne chehre pr lagana hai is lye is ki checking bhi chehre pr hi karen. Amoman khawatin kalai ke piche hise pr shade check karti hain jo k galt hai mahir jild ka kehna hai k chehre ki jild jisam ki jild se mukhtalif hoti hai agar aap ko tajurba karna ho to aap kalai ki jild or chehre ki jild ka aine me mawazna karen.
  • Jabre ya mathe pr shade ko dot ki shakal me le kar bland karen 2 4 second bad is ki checking karen agar ye ahsas ho k jahan ye khatam hua hai wahan foundation or jild me wazah farq nazar araha hai to phir ye aap ke lye mozo nahi hai agar farq nazar na aae or shade aap ki jild ki rangat se hum ahang ho jae to samjh lijye k yahi aap ke lye mozo shade hai.

Shading ki bunyadi baten :

  • Bhar pure gal:

Galon pr ek tikon banaen jis ki ek nok hair line ko cho rahi ho dosri nok kam luon tak pohnchen or tisri nok ankh ki putli ki sidh me ho jabke aap ka chehra sidha ho or aap samne ki taraf dekh rahi hon.

  • Chori nak nathno:

Chori nak nathno se zara opar se shuru ho kar nak ke opar hise ki taraf aaen or nathno ke pas thora sa shade ko phela den.

  • Chori peshani:

Bhawon se opar ek tikon is tarha banaen k ek nok kanpati ki taraf aae.

  • Dhila dhala jabra:

Apna sir opar uthaen is ke bad jabre ke sath sath shade banaen.

  • Lambi nak:

Nak ki tips (nok) pr shade karen.

Foundation kese lagaen? :

Clenasing, tonning or moisturizing ke bad ise lagaen agar aap concelar bhi istamal karti hain to phir ise foundation lagane se qabal hi lagaen.

Ungli ki nok ki madad se ise pehle gal or nak or bad me mathe, palkon or thori pr lagaen.

Ab ise ungli ki hi madad se halke halke andaz me bland karen agar aap ki rangat saf hai to phir aap ko pure chehre pr foundation lagane ki zarorat nahi. Jahan jahan zarorat hai wahan wahan opar batae gae tariqe se laga len.

Foundation ko hair line se dor hi rakhen or aesi jaghon pr opar ki taraf strock lagaen yani niche se opar ki taraf bland karen.

Munasibat paida karen :

Boht ahtiyat or dekh bhal ke bawajud mosam ke takher se rangat me farq ahi jata hai garmiyon me aap ki rangat thora dark or sardiyon me zard ho sakti hai mosam ke lehaz se zahir hai k malbosat me bhi tabdili ajati hai to aese me aap ko chahye k isi munasibat se foundation ka istamal karen ta k is me rawani or hum ahangi baqi rahe foundation ko mosam ke hisab se dark or light karti rahen.

3 aham tips

  • Foundation lagane ki ibtada kam se kam miqdar se karen kam miqdar ko achi tarha milana nasbatan asan hota hai kam miqdar ka ek faida ye bhi hai k agar zarorat ho to or lagaya ja sakta hai magar zyada hone ki sorat me pochne se bat kharab ho jati hai.
  • Foundation bland karne ke lye rang fingure ya phir little fingure ka istamal boht munasib rehta hai is ka ek sabab ye bhi hai k ankhon ke aas pas ki jild naram hoti hai or in ungliyon ki waja se mutasir nahi hoti hai yahan pr jhuriyan bhi hoti hain is lye asani se in ki bharai ho jati hai.
Achi or saf suthri jild pr halka foundation lagaen is se jild or nikhar jati hai.
Shanimuzik