Home Beauty tips in Urdu

Facial At Home In Urdu

Facial tips in hindi

facial procedure at home in urdu - facial massage steps in hindi - beauty tips for facial at home - facial ke fayde hindi - facial treatment in urdu - skin whitening facial tips in urdu

In this apge you will find and ki read facial steps at home in hindi.

 

Kuch arse tak chehre ka make up karte rehne ke bad zarori hai k chehre ki jild ko kuch aram bhi dya jae. Is ke lye jild facial se waqtan fawaqtan saf kijye. Facial chehre ko ek cleaner se achi tarha saf karne ka amal hai jis se jild me ek nayi qowat hayat paida ho jati hai. Zebaish husan ke boht se selons me mukhtalif qisim ke facial dastiyab hote hain lekin jo log in ke elajon ko shak ki nigah se dekhte hain ya boht mehanga samjhte hain wo ye kaam apne ghar pr bhi anjam de sakte hain. Is kaam ke lye mundarja zel ashya ki zarorat ho gi.

  • Ek bara pyala
  • Ek tasle me bhara pani
  • Kuch sponj ke tukre
  • hair band
  • ek chota or ek bara tolya
  • chehra saf karne ka brush
  • roi ke ped
  • tissue paper ek daba

ye sab chezen wahi ho sakti hain jo aap rozana istamal karti hain. Zarori nahi hai k ache facial ke lye qimti saman bhi ho. Ost qimaton ka bhi facial chehre pr se purana make up or chiknai saf karne ke lye kar amad ho sakta hai. Rozana istamal ke gesrine mile sabun bhi istamal kye ja sakte hain q k ye jild me khushki nahi paida karte.

Zarori masnoaat :

  • cleanser cream ya lotion
  • mail cleanser, glesirine ya glesirine mila aam sabun
  • apni pasand ki jari butiyan ya khushbu dar tel
  • rat ko lagane ki ala qisim ki cream ya zeton ka tel, cold cream ya liquid perafin (oily jild ke lye)
  • mask
  • tonner gulab ka pani agar jild khushk ho or oily jild ke lye pisi hui henral nut
  • jild ki mutabiqat se moisturizer
  • ankhon ki atraf ki jild ke lye eye gel ya bam

ghar ke kisi aese kone me jahan kafi roshni ho apne kaam ke lye mez saja lijye or kuch ubla hua garam pani bhi sath rakhye. Sir ke balon ko hair band se bandh lijye or hathon ko khob saf kar lijye. Ungliyon ke sire pr thora sa cleaner laga kar daire me ungliyan ghuma kar khob achi tarha cleaner ko chehre pr mal lijye. Agar aap cleaning milk istamal kar rahi hain to roi ke ek phae ko bhiga kar lijye. Chehre pr cleaner malne ke bad chehre ko tissue paper se saf kar len. Is ke bad sfonj ko pani me bhigo kar chehree pr mal lijye or phir sabun or brush se chehre ko ek martaba phir saf kar lijye. Sabun ka jhag bhi bhige sfonj se saf kar lijye or chehre pr bhap dene ka amal shuru kijye lekin is se pehle ankhon ki palkon pr koi eye gel ki halki si teh laga lijye ta k bhap se palkon ko nuqsan na pohnche. Is ke bad is ke bad tasle me rakhe hue ubalte pani ki bhap ke qarib chehra le jaye or bhap lagne dijye. Bhap ko zayah hone se bachane ke lye sir or tasle ko ek bare tolye se dhank lijye. Chehre pr 5 se 10 mint tak bhap lagne dijye. 5 mint khushk or pukhta jild ke lye or 10 mint aam oily jild ke lye mozo hai. Khushbu ke lye pani me 2 ya ek qatra levender ya naroli ka tel dal len ya pani ubalte waqt ek choti si potli podine ya tulsi ki pati ki dal len. Ye sab khushbu ki chezen jild ko boht farhat pohnchati hain. Agar pani garam karte waqt chand dane menthal ya ek chota chamach vick vapour dal len to is se nathne saf ho jate hain or sans lene me asani ho jati hai. Bhap dene ke amal ke bad chehre ko tolya ya tissue paper se ahista se mal lijye. Hath chehre pr dairon me chalaen or zyada zor na lagaye na kisi ek jaga pr zyada hath chalaye. Is tarha jild saf kar lene ke bad khushk tolya se thap thapa kar jild khushk kar len. Jin ki jild khushk or pukhta hai wo ab chehre pr cold cream, night cream, masaj cream ya oil ki halki malish karen. Hata k cream ya oil jild me puri tarha jazb ho jae. Aam tor se malish ka amal 20 se 25 mint tak kya jata hai. Malish se jild pr sehat mandi ki ronaq nazar ane lagti hai.

Chehre pr falto cream ya oil tissue paper se saf kar len or is ke bad ek martaba phir bhiga hua moisturizer chehra pr pher len. Jin ki jild chikni hai un ke lye malish zarori nahi. Ye un ki apni marzi hai. Behtar ye hai k malish ko nazar andaz kar dya jae. Oily jild pr liquid perafine ki malish munasib rehti hai chunke ye jild me jazb nahi hoti or jild pr zyada oil nahi jama hota. Liquid perafine ko bhi malish ke bad tissue paper se saf kar len.

Mask ke bagair koi facial mukamal nahi hota. Mask ke lye powder chemist ki dukan pr dastiyab ho sakte hain. Zyada nifasat pasand khawatin 2 3 qisim ke mask powder mila kar apna powder khud bhi tayar karti hain. Mask powder gulab ke pani ya wich henral ke sath paste ki shakal me banae jate hain ya calamine powder or chand qatre gulab ka pani mila kar banaya jata hai. Ye mask oily jild ke lye faida mand rehta hai. Is ke chehre pr ungliyon brush ya khane ki chari se lagaya ja sakta hai. Zarori amar ye hai k mask chehre pr sab jaga brabar lagna chahye lekin ankhon nathno or honton ko bachae rakhna hai. Mask taqriban 10 mint ke lye chehra pr laga rehna chahye is ke bad ise sponj or garam pani se saf kar len. Dukan pe aese mask bhi dastiyab hai jo jild pr chipak jate hain or tape ki tarha uchare ja sakte hain. Mask saf karne ke bad jild saf or taza nazar ane lagti hai.

Ab aap apni pasand ka tonner ya astrengent ek roi ke phae me bhigo kar laga sakti hain. Gulab ke pani ki tarha ye bhi aam dukano pr dastiyab hain or boht mehange bhi nahi hote.

Astrengents oily jild ke lye mozo hote hain. Wich henral ek qudrati astrengent hai. Tinner ya astrengent ke khushk hone tak intezar kijye or phir ise kisi munasib moisturizer se nam kar lijye. Oily jild ke lye pani mila moisturizer behtar rehta hai or khushk jild ke lye ache qisim ki cream. Ankhon ke charon taraf eye gel ki halki si teh laga lijye. Is se mahin dhariyan or jhuriyan nahi parten.

Is bat ka khas khayal rakhye k facial ke bad kam az kam 8 se 10 ghante se pehle koi make up na kya jae. Agar aap ko sham ke waqt kisi taqrib me jana hai to facial ka kaam subha ko hi kar len.

Facial aesabi tanao ke lye boht mufid hai. Apne kisi qaribi dost ya aziz pr azma kar dekh lijye. Wo boht mamnon ho ga lekin is sab ka qudrati mutabadil zyada phal, sabziyan, dudh or shehad ka istamal bhi hai.
Shanimuzik