Home Beauty tips in Urdu

Eyebrow Shaping Tips In Urdu

(eyebrow tips in hindi)

 
eyebrow threading shapes

As we know that eye is also one of the best thing in our body which is given by Allah. and eyes is one of the most attractive thing in our face. but if eyes are looking good with out the eyebrow? i think No. because without eye your face are incomplete. so we can say that eyebrow also make the reason of beaty of eyes. Here we discuss some thing about eyebrow and also that how can you can make your eye brow. In this page you will find and read eyebrow banane ka tarika in hindi.

 
Eye Makeup Tips In Urdu

Ankhen hamare chehre ka sab se zyada hasin hisa hain hamen kisi chehre me sab se zyada pur kashish ankhen hi malom hoti hain or in ki maqnatisi qowat ankhen insan ke mukhtalif kefiyat ki aina dar hoti hain is lye inhen hamari roh ki khirki kaha jata hai. Ankhen jazbat ki tarjuman hain or wo insani chehre ki boht si khamiyon ko apne andar poshida kar leti hain.

Lekin kya ankhen apni infaradi hesiyat me hi khobsorat hain? Ghar ki diwar pr lagi hui kisi khobsorat painting ka tasawar karen wo na sirf diwar balke pure kamre ke husan me izafa karti nazar ati hai lekin agar painting ka frame tota hua ho ya tasver ke sath match na karta ho to phir aap ko kesa mehsos ho ga? Boht zyada bhada. Lehaza aham ye natija akhaz karne me haq bajanib hain k bhada frame tasver ke husan ko mand kar deta hai.

Isi tarha agar hamari ankhon ka frame in ki munasibat na rakhta ho to wo bari had tak apna husan kho deti hain. Bhawen hamari ankhon ka frame hain wo na sirf ankhon ke jazbat me rang bharti hain balke hamare chehre ke khado khal ko mutawazan bhi banati hain lehaza kya ye bat zarori nahi k hum apni bhawon ko khobsorat banane ki koshish karen or is ke lye kuch waqt nikalen?

Khobsorat or pur kashish bhawon ke hasol ke lye hamen sab se pehle in ki shakal or sorat or sakht ke bare me fesla karne ki zarorat hai qudrat ne bhawon ko mehrab dar shakal ata ki hai bhawen patli hain ya moti is bat ka inhesar balon ke ghane pan pr hai tahum bhawon ki motai ya patla pan hamesha qudrati nahi hota. Dunya bhar ki husan parast khawatin in ke balon ko tarash kar ya noch kar inhen mukhtalif shakal deti hain. Jis ka inhesar un ki pasand na pasand ke elawa raij fashion pr bhi hota hai.

Apni bhawon ko pasand ki shakal me tarashte waqt aap ko sab se zyada ahmiyat tawazan ko dena chahye. Aap ke chehre ke khado khal bhawon ki shakal tarashne me puri madad karte hain. Aap ko kis qisim ki bhawen rakhna chahye? Is ka intekhab karne me hum mundarja zel nikat se aap ki madad karen ge.

Agar aap ka chehra mustatil hai to thori si ghani bhawon ka intekhab Karen jo kanpati ki taraf jati nazar aaen muraba shakal ke lye bhawon ke kham me thora izafa kar den.

  • Agar aap ka chehra mustatil numa hai to phir bhawen ghani nahi hona chahye. Chehre ke khado khal ko ujagar karne ke lye bhawon ke kham ko opar ki taraf mor den.
  • Bezoi chehre ke lye bhawon ko papoton ke mutawazi rakhen or inhen kanpati ki simt mor den.
Gol chehre pr bhawon ko mehrab dar hona chahye kham ko thora sa tircha kar ke use kanpati ki taraf mor den.

Sports

Singer

Actor & Actress