Home Beauty tips in Urdu

Eye Makeup Tips

(aankhon ka makeup urdu)

 
 

Allah gives us many things in our body, we should thanks to everythings because every single part make us complete and every part of the body work properely and also looking good. eyes is also one of the beautiful part of our body. we see each and everything with the help of eyes, with eyes the world is just a black thing. here we discuss about the beauty of eyes and also home treatment of eyes for women. In thhis page you will find and read eye makeup karne ka tarika in urdu.

 
Eye Makeup Tips In Urdu

Allah tala ne insan ko be-shumar naimaton se nawaza hai in naimaton me ankhen bhi ek bari naimat hain. Bila shuba ankhen anmol naimaton me se ek hain ankhon hi ki badolat insan kainat ki ranginiyon se lutf andoz hota hai ankhen be had qimti or nazuk chez hain. Qudrat ne choti si ankh me lakhon barqi connection dye hue hain. Ankh back waqt 15 lakh pegamat wasol karne ki salahiyat rakhti hai hamare jisam me muntaqil hone wali 80% malomat ka inhesar ankh hi pr hai.

Rabul izat ne ankhon ka jora banaya hai is ka faida ye hai k hum kisi bhi chez ka hujam boht thos or ubhara hua dekh sakte hain agar ek ankh ko band kar ke dekha jae to chezen itni numaya nazar aaen gi dono ankhon ki mojudgi se hum apne charo taraf boht achi tarha dekh sakte hain. Bahar ki dunya ka manzar jab ankh ki putli me samata hai to focus amal me ata hai ankh is manzar ke bare me malomat dimag ko muntaqil karti hai dimag is bat ka fesla karta hai k ankh kya dekh rahi hai. Fernia ke zarye roshni ki lehren ya kirnen ankhon me dakhil hoti hain putli se hi roshni ki miqdar control ki jati hai. Is zaman me ankh ka rangin hisa bhi aham kirdar ada karta hai. Andhere me putli zyada roshni hasil karne ke lye boht phel jati hai jabke tez dhop me putli sukar jati hai or yun wo halat paida hoti hai jise hum ankhon ka chondya jana kehte hain. Is sorat me itni hi roshni ankh me dakhil hoti hai jitni darkar hoti hai. Shuaon ko is ke bad lense focus karta hai manzar ki shabih ankhon ki pusht pr waqa retina pr namudar rehti hai is ke bad aesabi rabton ke zarye ye manzar dimag pr haqiqi maino me muntaqil hota hai.

Qudrat ne ankhon ko jis qadar hasas or nazuk banaya hai isi lehaz se us ki hifazat bhi farmai hai maslan ankhon me agar koi zara ya gardo gubar gir jae to ansuon ke zarye bahar nikal ata hai is ki waja se ankh saf ho jati hai yani ansu ankh ko saf karne me aham kirdar ada karte hain or ye ek qudrati tariqa hai. Qudrat ki is anmol naimat ki hifazat karna hamara farz hai is zaman me giza ahtiyat or warzish aham kirdar ada karte hain.

Ankhen or mutawazan giza:

Ankhen zehni or jismani sehat ki aina dar hoti hain roshan sitaron jesi chamakti ankhen aap ki shakhsiyat ko dilkashi bakhshti hain. Ankhon ki chamak mand parne ki kai wajoh hain jin me zehni dabao, na munasibat giza, doran khon ki kami. Zarorat se zyada kaam, parishaniyan, khof or thakan sr ankhon ke pathe or aesab buri tarha mutasir hote hain. Ankhon ki tandurusti or khobsorti ke lye munasib giza ahmiyat ki hamil hote hain. Is ke sath vitamin A ka nazar or shafaf ankhon se boht ghehra taluq hai khas tor pr is ke istamal se insan ko madad milti hai. Vitamin A ki kami ho jae to ankhen roshni bardasht nahi kar patin or jild thakawat mehsos karne lagti hain. Vitamin A machli ke tel, dahi, makhan, ande ki zardi, gajar, aam, papita, tamatar, narangiyan, hare paton wali sabziyan, kharboza or mukhtalif phoolon me paya jata hai. Ek balig mard or orat ko rozana vitamin A ke 10,000 unit darkar hote hain jo in bafton ko tandurust rakhtee hain jinhen focus membarance kaha jata hai isi machli se ankhon ko darkar nami milti rehti hai or ankhen chamakdar nazar ati hain.

Achi benai ke lye vitamin A ke sath ankhon ko vitamin B2,C or D bhi darkar hoti hain agar insan me vitamin B2 ki kami waqa ho jae to ankhen surkh ho kar dard karti hain or behna shuru ho jati hain ye vitamin qowat basarat ko tawana rakhne me aham kirdar ada karta hai jo k dodh, panir, khate phal, kela, ate ki bhosi, badam or suraj mukhi ke bij me shamil hota hai agar aap ko ankhon me sojish, dard ya pani behne ki shikayat ho ti vitamin A ke istamal se ye shikayat dor ho sakti hai is ke lye aap ko apni roz mara ki giza me khas tabdiliyan nahi karni paren gi. Ankhon ko chamak dar or khob sorat rakhne ke lye halki or hazam hone wali giza khaen. Maslan dush, makhan, balai, sabziyan, dalen, har mosam ke phal ya phalon ka juice rozana istamal karna chahye. Nashta me makhan or vitamin C bhar pure lene chahye. Gajaron ke mosam me kachi gajaren khob istamal karen gajar ko kacha khaen ya paka kar har tarha se nazar ke lye mufid hai. Badam bhi nazar ke lye boht faida mand hain. Badam ko 10 – 12 dane bhigo kar subha chil kar khob chiba kar khaen. Rat ko dudh pi kar sone ki adat dalen. In gizaon ke musalsal istamal se aap ki ankhen roshan chamakdar or khobsorat ho jaen gi.

Ahtiyati tadabeer:

Ankhen dunya ki sab se bari naimat hain. Ankhen aina hoti hain. Ankhen zaban hoti hain jo gam or khushi ka izhar karti hain. Lekin is ke bar aks jhot bolne wale ki ankhen dhundla jati hain. Ankhen ek dekhne ka ala hain jis tarha hum apna chehra aine me dekhte hain aine ki tarha hamari ankhen chezon ko dekhti hain qudrat ki is azim naimat ki jitni hifazat ki jae kam hai. Ankhen boht hasas hoti hain ye beroni asarat boht jald qabol kar leti hain lehaza in ki hifazat zarori hai.

Ankhon ki hifazat ke zaman me sab se pehle subha jab aap uthen to apne mun or ankhon ko achi tarha dhoen or thande pani ke chinte ankhon me maren subha ke waqt thandi or saf or shafaf hawa ankhon ko lagne se ankhen taro taza rahen gi. Yun bhi sabza or haryali ankhon ke lye boht mufid hoti hai. Subha sawere ghas pr nange paon chehal qadmi karna hamari sehat ke lye bhi boht mufid hai. Rat ko sote waqt surma lagana sunnat bhi hai or ankhon ki khobsorati ke lye behtarin tonic bhi rat ko surma lagaen or subha taze or thande ppani se ankhon ko dho len ye amal ankhon ke lye behtarin or zarori hai.

Jab aap silai karhai ya koi barik kaam ya phir parhai wagera karen to taqriban ghanta bad apni ankhen band kar ke ankhon pr hatheliyan rakh kar kuch dair tak dabaen is tarha ankhon ki thakawat dor ho jae gi agar aap ki benai kamzor hai to kaam khatam karne ke bad ya parhne ke bad apni ankhen thande pani se dho len. Parhte waqt roshni ka khas khayal rakhen na boht tez ho or na madhim. Munasib roshni me parhen ya likhen. Ankhon pr roshni ulte hath ki side se arahi ho roshni kitab pr parh rahi ho kitab ko munasib fasle (amoman 1, 1 ½ fit dor) samne rakh kar bilkul sidha beth kar parhen. Lete ya chalte phirte ya chalti hui gari me na parhen agar barik huruf achi tarha nahi parhe jate ankhon ke aage andhera ajata hai kitab parhte waqt nazar huruf pr nahi jamti or mile jule mutehrik alfaz nazar ane lagte hain or ankhon se pani behne lagta hai elawa azin dor ki chezen bhi saf nazar nahi atin to aesi sorat me foran kisi ankhon ke mahir doctor se check up karana chahye check up ke bad ainak lage to doctor ki hidayat ke mutabiq istamal karni chahye.

Ankh me agar koi chez gir jae to ankhon ko malna nuqsan da hai kisi piyale me pani le kar ankh ko is dubo kar chapken wo chez nikal jae gi or ankhon ko nuqsan na ho ga ya phir ankhon ko pani se khob achi tarha dho len agar aap bahar se ghar aaen to pehle pani se ankhon ko dho len q k bahar ki aludgi or gardo gubar ankhon me parh jata hai. Garmi ke asar tez dhop, gardo gubar, dhuen or sard hawa ke jhonkon se ankhon ko bachaen. Tv qarib se na dekhen 5 – 10 fit dor se dekhen. Parhte or tv dekhte waqt ankhon ki palkon ko bar bar jhapkana chahye agar ankhon me kharash ho to arqe gulab ya shehad tapka len. Baz log doctor se mashwara kye bagair ankhon ki takalif me drops ya dawai wagera istamal karte hain jo k ankhon ke lye boht nuqsan da sabit ho sakta hai. Yad rakhen. Ankhen be had nazuk or hasas hoti hain zara si la parwahi inhen nuqsan pohncha sakti hai.

Ankhon ki warzish:

Agar nazar kamzor ho to zayada barik beni ka kaam na karen ankhon ko aram den or saf rakhen subha or sham pur fiza or sabza zar muqamat ki ser karen. Subha thandi hawa me sabz ghas pr 5 mint nazar jama kar dekhen jismani warzish ke sath sath ankhon ki bhi warzish karen. Nazar kharab ho ya normal dono ke lye mufid hai. Ankhon ki warzish karne se bhi nazar durst ho jati hai.

Aram da nashist pr sidhi ho kar beth jaen apna sar sakit rakhen. Subha dhila chor kar apni ankhon ko 4 se 6 martaba ahista ahista oper niche harkat dijye 2 3 second ke waqfon se ye amal kam az kam 4 martaba kijye is doran is bat ka zaror khayal rakhen k ankhon ki harkat boht ahista ho.

Parhte or likhte waqt is tarha bethen k aap ka sir or kamar bilkul sidhe rahen or aap ki table ya desk aap ke waist pr ho.

Rat ke waqt parhte waqt roshni ka khas khayal rakhen reading material pr aap ke left side se roshni parhni chahye agar aap right hander hain to……..

Parhte waqt kitab itni dor rakhen k aap ki kehni samne ki janib rightangle banale.

Kitab ya parhi jane wali dosri chez ki likhai ka font maqol hona chahye ta k parhne ke doran ankhon pr bojh na pare.

Parhne wala material apne chehre ke sidhe hise ki janib mutawazi rakhen ta k parhte waqt aap ki ankhon ko zyada mehnat na karni pare.

Parhte waqt har 15 mint ke bad kitab ya parhi jane wali dosri chez se apni nigah chand lamhon ke lye hata kar dor rakhi jae or is ke bad dobara parhai karen.

Parhte waqt apni palken zaror jhapkaen aesa karne se ankhon pr dabao nahi parta.

Chalti hui gari me parhne se parhez karen. In tamam baton ke elawa silai or karhai ka kaam bhi mustaqil na karen aesa karen gi to aap ki ankhon pr shadid dabao pare ga. Is ke elawa zarorat se zyada tv bhi dekhna ankhon ke lye nuqsan ka bais hota hai.