Home Beauty tips in Urdu

Beauty Tips For Skin In Urdu

(chehre ke liye totkay in urdu)

 

In this page we discuss about how can we take care of our face. if you take care of your face so firstley you will have to know about two things. first thing is CLEANSING and second thing is MOISTURIZING, if you can already know about both of things so you can easily to take care of your face, because they both are play the main role. Here you can also know that how can treat the pipples which grow in your face and how can you care your face in summer and winter seasons, many woman are there who want know the easy beaut tips which they can apply at home. In this page you will find and read face care tip in hindi.

 
Face Care Tips At Home In Urdu
  

Chehre ki dekhbhal ke lye har admi ko 2 chezon ki malomat zaror hona chahye jis me pehla marhala cleansing or dosra marhala moisturizing ka hai or agar aap ne in dono marhalon ki malomat hasil kar len to ye samjhye k aap ne apni jild ko daimi baqa de di.

  • Cleansing
  • Moisturizing
  • Cleansing kya ye zarori hai?

G han rozana boht sare murda khalye paida hote hain ye qudrati amal hai. Is me kii shak nahi k bazaar me boht sari cleansing creamen mojud hain jin se hum murda khalye jild ki oper wali teh (epidermis) se saf kar sakte hain ta k niche ki jild nazar ajae or chehra shadab nazar aae. Is amal ko cleansing kehte hain or yahi bunyadi asol hai jo jild ki safai me sab se aham or cosmetic ki jan hai.

Cleansing ke 3 marhale hain.

  • Exfoliation
  • Fascial
  • Tonning
  • Exfoliation

Is ka ye matlab hai k murda khalyon ki safai karna mitti, gandagi, oil ya boht si qismon ki cream, lotion ya make up ke zarat saf karna. Ab sawal ye paida hota hai k kya mukhtalif qismon ki jild ke lye mukhtalif tariqe hon ge?

Chikni jild:

Jis ki jild chikni hai wo koi bhi fascial scrub istamal kar sakte hain. Kil mahason wali jild ke log ahtiyat Karen q k fascial karne se in ki jild kharab ho sakti hai.

Khushk jild:

Is jild ki safai cleanser or fascial brush se karen.

Hasas jild:

Is jild ki safai cleanser ya fascial sabun se kisi naram kapre maslan (malmal ke kapre) se karen.

Mili juli jil:

Is qisim ki jild ke log kisi bhi qisim ke fascial scrub se safai kar sakte hain.

Fascial:

Is ka matlab hai k bhap se chehre ki safai. Kabhi kabhi aap ki jild ke lye sabun cleansing kafi nahi hota. Safai ke lye zarori hai k aap apni jild ke lye fascial karen. Ye tariqa nehayat hi asan or behtarin hai is tariqe se chehre me mojud white heads or black heads asani se nikale ja sakte hain. Bhap se pores ya masam khul jate hain. Chehre ka doran khon barh jata hai. Gandagi or zyada chiknahat saf ho jati hai. Fascial karne se complexion ya rangat saf hoti hai or chehra chamakdar nazar ata hai.

Chikni jild, normal jild or khushk jild wale koshish karen k apni beauty routine me kam se kam hafte me ek bar zaror fascial karen. Nishanon or hasas jild wale facial na karen. Jin ki jild chikni ho 5 se 10 mint tak steaming karen.

Khushk or mili juli jild wale 3 se 6 mint tak steaming karen.

Tonning:

Is ka matlab hai jild ki ghehrai me safai karna or gandagi ko bahar nikalna. Is tariqe se bhi jild ki ronaq barhti hai or doran khon barhta hai jild sakht rehti hai bazaar me boht si aqsam ke toner mojud hain.

Jin ki jild chikni hai wo alcoho base toner lagaen. Jin ki khushk hai wo alcohol free toner lagaen. Jin ki jild hasas hai wo mild toner lagaen jese gulab ka arq (rose water) ya boots cucumber skin freshner lagaen or jin ki jild mili juli hai wo alcohol bich me lagaen.

Moisturizing:

Is ka matlab hai jild ko gila ya tar rakhna. Pehle jild pani se saf Karen or phir moisturizing cream lagaen. Hamesha moisturizer apni jild ki qisim se lagaen.

  • Chikni jild ke lye non greasy moisturizer lagaen
  • Khushk jild ke lye rich creamy moisturizer lagaen.
  • Hasas jild ke lye sensitive skin hypoallergic lotion formula lagaen.
  • Mili juli jild ke lye (combination skin) chikni or creamy lotion istamal karen.

Fascial foundation:

Agar aap ki jild normal hai to koi bhi foundation laga sakti hain. Khushk jild wale log aesi foundation lagaen jis me moisturizing ingredyent or (sun screen) suraj ki roshni se bachne ke lye shamil hon. Albata wo log jin ke chehre pr kil mahase hon make up istamal na Karen magar kabhi kabhi aese make up foundation istamal kar sakte hain jis me chiknahat bilkul na ho. Mere zati khayal me achi foundations wo hain jo water base oil free hon or wo liquid form me hon.

Mask jild ko jawan rakhne ka behtarin tariqa:

Is se na sirf jild me khichao paida hota hai balke is ke sath masam bhi band ho jate hain. Jhuriyon ko khatam karne ke lye shehad ka mask or kil mahase wali jild ke lye multani mitti (mud mask or lay mask) lagana chahye. Khushk jild ke lye strawberry mask behtarin hai. Mask lagate waqt is bat ka khas khayal rakhna chahye k is ke doran kisi se bat na karen or na hi Hansen or apni ankhon ke gird cream lagani chahye. Mask hafte me ek ya 2 bar lagana chahye.

Night cream kya ye zarori hai?:

Aksar khawatin jab kisi function se ati hain to rat ko make up utar kar sone ki zehmat gawara nahi kartin halanke sone se beshtar mun dhona danton me brush karna boht zarori hai. rat me jo cream lagaen wo is cream se zyada moisturizing ho jo ap din me lagati hain or sone se pehle cream ko tissue paper se qadre saf kar lijye rat ko lagane wali ye cream chehre ki cleansing ya stergent lagane ke bad bhi laga sakti hain.