Home Actors And Actresses

Ranveer Singh History In Urdu

(ranveer singh interview)
Weight, Height, Age,family, Wife, affairs, Body Measurements & Figure size, awards, filmography

   
ranveer singh family - ranveer singh life story hindi - about ranveer singh biography - actor ranveer singh - family history - ranveer singh detail in hindi

In this page you will find and read ranveer singh family background history.

Question: lutera, ki singning story kya hai?
Ranveer: wikram aaditya motoani ki uran, ke primiar show par mojud tha, film bohat achi lagi aur dil se nikli rae ye thi k itni achi film, hindi cenima par kabhi nahi ayi. Is younge man ke kam ne itna mutasir kya k back stage ja kar use kaha k agar mere laiq koi kam ho to zarur yad rakhna. Sirf chand dinon bad us ne mujhe santur ke food centre me madu kya aur chainis food order kar ke ek bound script thama dya. Pehli film band baja barat, ke bad jitni films offers hui, wo ya to concept ki surt thi, kache pake script ya one line nourishn ke sath is lye first movies ke bad ek bound script pa kar bohat khushi hui. Raat 2 baje script parhna shuru kya aur subha tak meri ankhen bhigi rahin. Lutera, dil se likhi kahani hai, bani kesi hai ye to aap bataen gem agar script parh kar meri jo halt hui thi, use lafzun me bayan nahi kya ja sakta. Film se ziyada aaditya motoani par yaqin hai, ek zahin shakh jo kahani ko bayan karne ke lye trosniment aproch rakhta hai.

Question: kya ye film henrry ki short story The last lift, se mutasir hai?
Ranveer: The last lift ye kahani school days me parhi thi. G nahi Lutera is story se pure tor mutasir nahi albata kuch hisa zaror aesa lag ga k is kahani se lya gya ho. Kul mila kar ye ek romantic tharler hai.

Question: suna hai kuch muqamat pr Lutera ki shooting jan lewa ban gai thi?
Ranveer: bilkul mere mukhtasar career ki ye sab se mushkil shootings thin. Jab pehli bar himachal ke dalhozi pohnche to 20 sal ki tarikh me sab se zyada baraf bari hui thi hum shooting nahi kar pae kyun k zarori saman ko wahan nahi pohnchaya ja saka tha. Vikram location pr pohnchte hue zakhmi ho gya hum ne jo set banaya tha wo pura snow ki nazar ho gya. Jab dosri bar yahan pohnche to main zakhmi ho gya aur doctor ki advice pr Mumbai lotna para. Yahan taqriban 4 ft tak baraf jami thi aur aesa 6 kilometer area cross kar ke hamen wapas ana parta tha. Kuch action manazir pahari ki intehai choti pr shoot kye gae jahan kaam karna khatarnak tha. Zakhmi hone ke bad mujhe 3 mah tak bed rest lena para taqriban 6 ghante roz ki physiotherapy kara ke tang agya tha magar himat marda madade khuda is lye apni dil power loose na parne di aur laga raha recover hone balke pehle se behtar hone me. Dye gae waqt ke bad jan main ne doctor se check up karaya to un ka kehna tha k 120% recovery ho gai hai is lye jo chahe kar sakta hon.

Question: Lutera 50’s ke back ground me banai gai hai. us dor ke hisab se look develop karne me kya mushkil pesh aai?
Ranveer: zyada nai, us dor ki black and white filmen bari madad gar sabit huin. Khas tor se dev anand sahab ko copy kya hai jesa look darker tha boht had tak dev sahab se mil gya.

Question: is khas look ke silsile me tumhari mehnat kitni hai?
Ranveer: environment zarori hoti hai warna koi aap ko sajae sanware aur aap ka dil dimag kahin aur ho to bat ban nahi pati. Hamari coustum designer super naji ne kafi research ki mujh se mashwara kya aur ye bata don k film ki baqaida shooting se koi 6 mah pehle hi unhon ne mere sath apna kaam shuru kar dya tha is doran hum ne ek theter group ja kar workshop attend ki, character ke look ko computer pr design aur define kya body language aur tune wagera pr khasa discussion kya tab kahin ja kar ye result mila hai.

Question: tumhari ibtadai 2 filmen (Bend baja barat aur ladies v/s rikki behal) romantic thin. Kya in ke bad tumhen sirf romantic boy consider kya ja raha hai?
Ranveer: Bend baja barat ke bad mujhe boht sari offers milin lekin zyada tar main dehli boy hi banaya ja raha tha is lye same zone ki offers attract nahi kar rahi thin. Meri nazar directors pr thi kyun k main directors actor hon. Aese me sanjay lila bhansali ki taraf se Ram lila ki offer mili to kese inkar kar sakta tha. Script dekhna to dor ki bat main un se koi sawal pochne ki position me bhi nahi tha aur siwae hank e kuch aur nahi keh sakta tha. Sir bhansali, vikram ke elawa shad ali ki ek film kar raha hon aur in sab movies me role ko nahi balke directors ko dekha hai.

Question: ek actor ke tor pr umdah script ke lye tum kitna intezar kar sakte ho?
Ranveer: aaj kal selective bane bagair guzara nahi. Han ke muqable me zyada tar na kehna behtar ho sakta hai kyun k acha kaam kam hi ho raha hai. khuda na khawasta agar dil ko chu lene wala script offer nahi hoga to 2 sal tak intezar karon ga kyun k out of site out of mind ka risk nahi lya ja sakta.

Question: Gunday tumhari pehli action packed film hai yani Lutera se bilkul alag………?
Ranveer: Lutera me bhi action hai aur bhansali jee ki Ram lila bhi action se khali nahi. Thek hai Gunday out an out action drama movie hai meri ibtadai 2 filmon ke director manish Sharma ne kaha hai k main actor hon aur mujhe agar men stream me bane rehna hai to action filmon ke lye khud ko tayar karna ho ga un ka khayal hai k meri body action roles ke lye boht suitable hai is lye jab yash raj ki Gunday offer hui to be had khushi hui kyun k is tarha mujhe verity pesh karne ka moqa mile hai.

Question: imkan hai k agle 12 mah ke doran tumhari 4 filmen release hon gi. Kya ye zyada nahi?
Ranveer: pichla sal gap bhi to raha. Thora zyada exposer hona chahye zaror ye ek risk hai magar risk ke bagair koi game nahi hota. Main sochta hon k Lutera, Ram lila, Gunday aur Kill dil ke bad career kafi strong ho jae ga.

Kuch wakhre sawalat
Question: kya tum ne kabhi kisi ko hurt kya hai?
Ranveer: zaror kya ho ga magar na danistagi me. Kabhi jan bujh kar kisi ko hurt nahi kya.

Question: kya shadi boht zarori hai?
Ranveer: kuch confus hon. Han agar bache chahye to phir shadi zarori hai kyun k bina shadi ke bache paida karne ka matlab bachon ki zindagi musibat me dalne jesa ho ga. Bachon ke lye ek set social life aur mami papa boht zarori hain aur is waja se shadi bhi zarori ho jati hai.

Question: kya tum mama’s boy ho?
Ranveer: one hundred and one persent agar is dunya me sab se ache mama’s ki misal deni ho to mera nam lya ja sakta hai.

Question: tum me larkon ya mardon wali kya khasosiyat hain?
Ranveer: ek complet aur normal mard hon hafte me ek ya do martaba doston ke sath outing pr zaror jata hon. Sports me dilchaspi hai videos game khelta hon. Apni age aur states ke dosre larkon ki tarha nat naye models ki gariyon, cell phones aur digar ijadat me kafi interest leta hon aur inhen apne bal bute pr hasil karna chahta hon and of course I am crazy about women larkiyon ke bagair larkon ki zindagi dilchasp aur rangin nahi ho sakti……..

Question: kya tum ne kabhi jangli pan ka muzahira kya hai?
Runveer: ye sawal mere doston se puchen wo bataen ge k kitna wild hua karta tha albata is word yani wild ki had kya hai? ye nahi janta.
Ranveer: fan ki kon si aesi bat hai jo kabhi nahi bhula pao ge?
Runveer: ek fan ne zabardasti sone ki chain mere gale me dal di thi tab andaza nahi tha k ye kitni qimti ho gi lekin bad me is ki worth pata chali to kafi heran hua. Chahta hon k wo fan kahin mile to isi tarha main bhi use koi qimti gift de kar heran karon.

Question: agar koi larka tumhari behan ke sath free hone ki koshish kare to kis tarha ka bartao karo ge?
Ranveer: us ki pith pr zor dar lat rasid karon ga aesi mar lagaon ga k sari zindagi nahi bhula pae ga.

Question: kon si aesi adakara hai jise gale lagana chahte ho aur jante ho k koi chance nahi?
Ranveer: ek nahi 3 hain. Madhuri, sonali aur ravina ye jante hue k inhen gale lagana mumkin nahi chahon ga k ek hi muqam pr tino ke sath aesa kar guzron.

Question: aaj kal kon si car chala rahe ho?
Ranveer: jegwar XJL ise hal hi me kharida hai.

Question: kya tum rozana parhne ke adi ho?
Ranveer: nahi Na akhbar aur na hi magazines albata script roz parhna ho to parh long a.

Question: kya music pasand karte ho?
Ranveer: zyada hard core music pasand hai. jo gane aam tor se hit hote hain wahi ache lagte hain magar main geet, gazal, fock, sufi sangit aur western music sabhi mee dilchaspi rakhta hon. Nusrat fatah ali khan, prodigy aur you to wagera favorites hain.

Question: aur kis tarha ke khane pasand karte ho?
Ranveer: chines. Dunya bhar ke kai mashor restaurant me ja chukka hon aur taqriban har jaga ka chaines khana hi mujhe pasand aya hai.

Question: apni koi ek kamzori batao?
Ranveer: nahae bagair nahi reh sakta kisi aesi jaga jahan pani ki kami ho main aesa ho jaon ga jese jal bin machli. Zyada dair tak na naha paon to mar jaon ga.

Question: kya chez parishan karti hai?
Ranveer: hamare aas pas siyasat boht ho gai hai aur wese bhi national politics kafi gandi hai.

Question: sab se zyada khof ki bat?
Ranveer: ek din walidain ko kho don ga.
Kamyabiyan aur pazirai

Question: aaj kal tumhari body khob shape me hai kya ye international trainer ki mehnat ka natija hai?
Ranveer: jis tarha ka result chahye tha us level ka trainer yahan nahi mil raha tha. Laid stunes ko hire karne se pehle un ke bare me achi khasi research kit hi aur Krish 3 ke lye hasil karda hritik roshan ke result pr bhi nazar dali thi. Lagta hai is tarha ki proper training mere kaam ka hisa hai aur jis tarha se hritik ne ise jine marne ka masla bana lya tha main bhi usi range me ja kar result chahta tha. Shukar hai k aesa natija mila k log tarif kye bina nahi reh pate. Sab se bara masla mere back problem ke bad recovery aur phir shape me ana tha is ke lye zyada waqt nahi dya ja sakta tha is lye 6 ghanton ki physiotherapy ke bad body building ki mashq karta tha jo risky tha magar challenge to face karna hi parta hai. anyhow agar ye intenational trainer na hota to is tarha ka perfect result shayad na milta.

Question: kamyabi tumhen kuch jald mil gai hai. is ka kitna asar mehsos karte ho?
Ranveer: mera khayal hai bilkul nahi bighra balke ise enjoy kar raha hon. Shuru se ek aesa bacha raha hon jo apni harkaton ki waja se logon ki tawaja pata hai. log mujh se pyar karen ya nafrat lekin nazar andaz nahi kar sakte. Mujh me aesi energy bhari hai k har pal chehakta mehakta rehta hon agar aap ye kahen k normal shakhs nahi hon balke thora ya zyada abnormal hon to chale ga aksar tawaja pane ki koshish nahi karta lekin zyada tar aesa hota hai k centre of attention ban jata hon.

Question: anurag keshap ne Bombay velvet ke lye tumhen consider kar ke phir cut kar dya. Kya is bat ka afsos hai?
Ranveer: jab anurag jee offer le kar aaae the to mujhe yun laga jese khuda ne ek tohfa bheja hai. ye wo role hai jo main hamesha se karna chahta tha taqat se bhar pure ek kirdar jo kisi bhi actor ko challenge bhara moqa deta hai. bad qismati se hamare darmiyan jo tarikhen decide huin thin un me film start nahi ho pai aur jab Bombay velvet ka proper schedule decide hua to un dates ke lye main bhansali sahab ki Ram lila me masrof tha phir film ka states aur bajut wagera change kar ke ranbir ko le lya gya anyhow runveer na sahi ranbir hi sahi.         

Question: tumhen sanjay lila bhansali ke sath kaam karne ka moqa kya kuch zyada hi jaldi nahi mil gya?
Ranveer: wo dream director hain sath hi boht mushkil insan bhi. Un ke sath kaam karte hue khud pr boht control rakhna parta hai lekin yahan kon aesa hai jo bhansali ko inkar kar sake. Agar wo aap ko nichor lete hain to yahi aap ki kamyabi aur jeet hai. ek raaz ki bat bataon k jis bhansali ko kaam ke doran bad tamiz aur akhar kaha jata hai unhon ne mere sath ek bar bhi shor sharaba nahi kya. Is ki waja kuch bhi ho sakti hai magar ye nahi k main ne unhen 100% mutmain kya ho. Kami to mujh me bhi hai lekin shayad bhansali jee khud ko badalna chahte hon.

Question: sunne me aya hai k darhi look ko le kar bhansali jee se tumhari tasal ho gai thi?
Ranveer: han woe k dabao bhara din tha main shooting ke lye ghar se chala to jane kya soch kar darhi pr thori si qanchi chala di. Set pr pohncha to mera look dekh kar wo gazab nak ho gae aur chillane lage k ye kya kar ayah on. Thek hai ek director ko jesa perfect look chahye hota hai main us ka kabara kar betha tha aur itna thora boht sunane ka haq to un ka banta hi hai tahum ye itni bari kahani nahi jitni media ne bana di thi.

Question: kya ye sach hai k apne out spoken nature ki waja se tum aksar mushkil me par jate ho?
Ranveer: pichle 2 salon me realize kya hai k barh bole pan pr kuch qabo pana chahye aur behtari isi me hai k zyada na sahi magar thora boht khud ko badlon. Lagta hai 10% kami agai hai meri out spoken nature me. Jab aap fitri tor pr mun phat hon to banaoti baten karne me mushkil pesh ati hai ho sakta hai mujhe thora waqt aur lage jabke ye bhi mumkin hai k apni is nature pr qabo na pa sakon.

Question: arjun kapoor aur ranbir kapoor ke sath jo problem hue wo kya the?
Ranveer: hamari generation ke sabhi actors boht cool hain aur ye entertainment industry aur media ke barhte asar ka natija hai k hamare bare me jo zehan me ata hai likh dya jata hai. kabhi kabhi to sire se koi bat hoti hi nahi aur batanghar bana dya jata hai bilkul usi tarha jese hum kehte hain k rai ka paharh bana dya gya ho. Hum tino boht boht busy chal rahe hain han arjun ke sath gunday ke lye kaam kar raha hon aur hum ne beshtar seens sath kye hain is doran agar thori boht nok jhok ho jati hai to ye bilkul aese hi hai jese kitchen me kaam karne wali 2 orton ke darmiyan bak bak ho jae. Ranbir ke lye keh hi chukka hon k dil me boht izat hai aur main us ki guide line follow kar raha hon is lye us se kisi problem ka sawal hi nahi uthta.
Kuch personal ho jae
Question: bachpan ke bare me batao?
Ranveer: Bombay ke bandara elaqe me paida hua aur yahin pala barha is elaqe ke chote se school learners accedmy se ibtadai talim hasil ki aur phir pali hill ke foot hils school se metric kya. Meri family ka taluq Karachi se hai aur mami paki sindhan hain. Papa ka auto retailer ka karobar hai. class 3 tak main boht si jarhana mijaz rakhne wala bacha kehlata tha aur class me sab mujhe moto keh kar bulate the. Boht slow runner tha is lye school ki koi bhi team mujhe lene ko tayar na hoti thi magar bad me khud ko strong sabit kya aur school ka dada ban gya. Class 1 me tha jab pehla love letter likha jis pr principle ne mami papa se complain kya  6 class me tamam larkon ko sex ke bare me batane laga tha. 14 sal ki umar me wazan kam kya ta k larkiyon ko acha lag sakon tahum tab se ab tak yahi sochta hon k baqi sab mujh se ache nazar ate hain. School ke dino me apne sathiyon ke lunch boxes chura lya karta tha moqa dhondta tha k school ke bachon ke sath sarhak pr mar kutai ho. Bad me studies ke elawa sports aur digar activities me bhi kafi behtar ho gya tha aur isi lye mujhe school ka head boy bana dya gya tha. Yad hai jin bachon ki thukai lagata tha un ke parents school akar mujhe gunda, mawali, bad mash ya dada kaha karte the.

Question: pehli film (Band baja barat) kese mili?
Ranveer: class 7 me parhta tha jab papa se kaha k un ke business me koi interest nahi rakhta aur bara hone ke bad filmi hero banon ga. Chunke mera koi film back ground nahi tha is lye chance bhi nahi lag raha tha. Koshish kar k eek advertising agency me copy writer ke tor pr lag gya aur phir high education ke lye America chala gya wahan second year ke doran acting class join ki ek competition ke doran amitabh bachan ki Diwar ke dialogues bole to zor dar taliyon se pazirai ki gai halanke digar americi students zaban nahi samjhte the magar unhen mera andaz acha laga tha is se hosla barha aur wapas an eke bad papa se kaha k actor banna chahta hon. Lehaza wo ijazat aur madad den. Chunke un ki marzi pr degree hasil kar chukka tha is lye wo complain ki position me na the. Behre hal un ki ijazat se shad ali ko join kya aur us ke sath ek add banaya is ke bad makrand desh panday ka theter group join kar ke yahan kaam karne walon ki sewa ki main furniture uthane aur set karne ke siwa theter actors ko samome wagera la kar dya karta tha ghar ki financial position zyada achi nahi thi is lye saf tha k jo karna hai khud karna hai is lye laga raha aur apne connection barhate barhate bil akhir yash raj baner tak ja pohncha aur yun manish Sharma ki band baja barat ke zarye mere fani career ka agaz ho gya. 
Rapid fire
Question: kya 3 chezen ghar se lye bagair nahi nikalte?
Ranveer: first of all ipad, credit card aur sab se zyada zarori chez maa ki duaen.

Question: film Gunday me aurjun kapoor ki jaga kisi dosre hero ko cast kya jata to wo kon hota?
Ranveer: mera hum qafia ranbir bhi perfect ho sakta tha.

Question: agar kisi film me anushka Sharma, sunakshi sinha ya dipika padikon ke bhai ka role offer ho to……..?
Runveer: kis me hai itna dam jo aesi bat mujh se ru baru kare.

Question: kisi subha utho aur pao k tumhare muscles bilkul hi thas ho gae hain to…..?
Ranveer: phir se international trainer laid stunes ko bulwaon ga aur khud ko challenge don ga k jo kaam 2 mah me kya ab 2 hafton me kar ke dikhana hai.

Question: yash raj baner ki Aurangzeb, Lafange parinde aur Pyar imposible me se kis film ki nakami ka zyada dukh hai?
Ranveer: Aurangzeb ke lye zyada hurt hon kyun k is me mere co star arjun kapoor ne double role play kya hai aur janta hon k is film ke hawale se wo kitna excited tha.

Question: agar runveer singh heroine ban jae to apne sath kis hero ko dekhna chahe ga?
Ranveer: of course one and only ranbir kapoor hi mera hero ban sakta hai aur waqai wahi mera hero hai.

Question: kisi ek actor ko replace karne ka moqa mile to kise samne se hatana chaho ge?
Ranveer: yahan bhi ranbir kapoor ka nam long a kyun k us ke rehte hue mera chirag khob achi tarha nahi jal sakta.

Question: agar koi fan larki apne gale ki chain ya cell phone gift kar ke badle me tum se kuch chahe to?
Ranveer: is ka inhesar kya kuch chahye pr hai. agar gift lya to badle me dher sara pyar nahi de paon ga.

Question: siri devi, madhuri dixit, juhi chawla me se kisi ke sath hero ane ka moqa milta to kise tarjih dete?
Ranveer: pehle hi keh chukka hon k madhuri jee ke sath kaam karne ko boht jee chahta hai aura b bhi sochta hon k wo wapas agai hain to shayad chance lag jae magar dhak dhak karne laga……. Jesa gana to imposible hai na.

Question: mazi ki kon si aesi film hai jis ke remix me kaam karne ke khawahish mand ho?
Ranveer: amitabh bachan ki Diwar jo bollywood me mera first source of impression hai.

Question: 20 sal bad khud ko kahan dekhte ho?

Ranveer: pal ka pata nahi aur sawal 20 sal bad ka hai. jahan rahon ga apni shokhi bar qarar rakhon ga dunya me dunya walon ke sath aur opar farishton ke sath ath kheliyan chalti rahen gi. Jesa hon wesa hi rahon ga.
ranveer singh biography in hindi
 

Ranveer Singh biodata

Full Name: Ranveer singh bhavnani

Nickname: Bitto

Date of birth: 6th July 1985

Nationality: Indian

Hometown: Mumbai India

Occuption / Profession : Actor

House Residence:
Mumbai India

Years Active:
2010

Religion: Hindu

best feature: N/A

Address: Mumbai India

Phone Number: N/A

Birth place: Mumbai maharashtra india

Zodiac / Star Sign: cancer

Hobbies: Watching movies & Music collection

Likes: Playing video games & Playing football

Dislikes: Reading

Ranveer Singh Family & Parents:

Father Name:
Jagjit singh bhavnani

Mother Name: Anju bhavnani

Siblings

Brother Name: N/A

Sister Name: Ritika bhavnani

Affairs / Girlfriends: Anushka sharma & Deepika padukone

marital status: Unmarried

Wife/Spouse Name: N/A

marriage Date: N/A

Ranveer Singh Children: N/A

Phone Number: N/A

Email ID: N/A

Twitter Account: https://twitter.com/RanveerOfficial

Facebook Profile: https://www.facebook.com/RanveerSinghOfficial/

instagram Page link: https://www.instagram.com/ranveersingh/?hl=en

Best Friend: N/A

Ranveer Singh height weight and body Measurements/statistics

Height: 5 Feet 10 Inches

Weight: 80 Kgs

Body Measurements: 46-30-16-14.5

Chest: 46 Inches

waist size: 30 Inches

Biceps: 16 Inches

Eye Color: Black

Hair Color: Black

Age: 32 years 6 July 1985

Shoes Size: 10

Language: Hindi, Urdu & English

Qualification

Education:

School: N/A

College: Indian university usa
HR college of commerce and economics mumbai

Ranveer Singh Favorite Things

Favorit Film: N/A

Favorite Actor: N/A

Favorite Actress: Kareena kapoor

Favorite Food: N/A

Favourite Color: Red & White

Favourite Perfume: N/A

Favourite Drink: N/A

Favourite places: N/A

Favourite Sport: N/A

Salary Per Movie: 12 to 15 crore

net worth: 15 million dollars in rupees

First English: N/A

First Movie kannada: N/A

Debut Hindi Movie Name: Band baaja baaraat(2010)

Telugu First Movie: N/A

Favorite Directors: N/A

Favorite Holiday Destinations: N/A

Favorite Shopping Areas: N/A

favorite song: N/A

Favorite Singers: N/A

Ranveer Singh Diet Plan: N/A